خالد الصاوي : المصريون ليسوا غنماً لحجب أرائهم وأفكارهم ..وسيقاومون

16/10/2010 وجه الفنان خالد الصاوي نقداً لاذعاً ضد الدعاوي التي تطالب بحجب الفيسبوك في مصر، وقال إن ''المصريين ليسوا غنما كي يتم حجبهم عن التواصل الاجتماعي  ونشر أرائهم والتعبير عن أفكارهم''. وأكد أنه لابد من مقاومة هذا التفكير والتعامل معه بحسم سواء من خلال النضال الإلكتروني أو كافة وسائل الاحتجاج حتي لو وصل الامر وتطور الي اقصي  الدرجات.. وقاد خالد الصاوي مبادرة إلكترونية للتصدي لحجب الفيسبوك من خلال جروب تم تصميمه تحت شعار ''لا لمجرد التفكير في حجب الفيسبوك.. احنا مش غنم  وحنقاوم بقوة.. من فضلكم انضموا للصفحة دي وانشروها ارجوكم''. وقال الصاوي، معلقا علي أراء وتعليقات مؤيدي الجروب، '' لو الفان صفحة أصبحوا عشرات الآلاف ممكن يفكروا مرتين ثلاثة قبل ما يقدموا على التصرف  الأحمق ده.. همتكم جميعا ودي أول خطوة بس''. وأضاف خالد الصاوي في صفحته على الفيس بوك ''فيه شعوب قبلت تتمنع من الفيسبوك، وفيه شعوب مستحيل حكوماتها تفكر تمنع فيسبوك أو غيره  أنها كافحت سنين لحرياتها، وفيه شعوب زي حالاتنا ممكن تفكر حكوماتها تمنع فيسبوك عنها.. بس احنا مش غنم.. وسياني يوم حيحصل فيه كده مفيش  حد فينا حيروح شغله وممكن كمان نعمل تجمعات ونحتج ونرفع يفط زي شعوب بلاد برة.. قولهم يراجعوا نفسهم في اللي بيفكروا فيه يا بروفيسير عشان  الخنقة زادت والنفر مش مستحمل نفسه ولا أخوه.. فما بالك بحضراتكم؟؟'' ورفض احساس اليأس والقنوط التي قد تصيب البعض قائلا '' فيه فرق كبير بين انسان محبط وشايف انه مفيش فايدة، وانسان داير يقول للناس بكل حماس:  مفيش فايدة يا جماعة! الأولاني يائس، لكن التاني عميل لليأس.. الأولاني ضحية.. بس التاني مجرم''.